أخبار مصر: مسنة بالدقهلية تناشد الرئيس بتخليد ذكرى شقيقها الفدائى.. فيديو الثلاثاء 19 سبتمبر 2017

صدى البلد 0 تعليق ارسل لصديق نسخة للطباعة تبليغ

وهذه تفاصيل الخبر : أخبار مصر: مسنة بالدقهلية تناشد الرئيس بتخليد ذكرى شقيقها الفدائى.. فيديو الثلاثاء 19 سبتمبر 2017

ناشدت الحاجة "هدى الموافى " 72 عاما والمقيمة بقرية البهو فريك التابعة لمركز اجا بمحافظة الدقهلية الرئيس السيسى بأن يقف بجوارها من أجل استخراج شهادة وفاة لشقيقها الفدائى مصطفى الموافى.

وواصلت: "اخويا مصطفى كان فدائى من أيام الإنجليز كان عاشق لجيشنا اوى والله يرحمه الإنجليز عذبوه وموتوه عشان يديهم أسرار زمايله رفض حاولوا المستحيل معاه رفض يدى أى معلومات عنهم، عذبوه بأبشع الطرق، ولفيت كتير عشان تطلع ليه شهادة وفاة معرفتش أوصل لحاجة نفسى تطلع ليه شهادة وفاة لحد دلوقتى مافيش ليه شهادة ونفسى يتعمل باسمه شارع ولا مدرسة،  أخويا ماكنش متزوج واستشهد فى ريعان شبابه يا ريس أنت مع أى شهيد وعارفة حزنك على شهدا بيبقى ازاى واخويا ضحى عشان مصر من سنين نفسى الناس تعرف مين هو الشهيد مصطفى الموافى زى ما عرفوا شهدا وابطال كتير".

وتابعت "أيام الثورة كنا بننزل مع المتظاهرين لخلع مرسى وكنت بقود المظاهرات كله عشان رئيس عارفة انه هيحافظ على البلد".

وطالبت "الموافى "بمقابلة الرئيس السيسى قائلة "ياريس نفسى اقابلك واسلم عليك ليا واقولك احنا معاك وفى ضهرك ونفسى اعمل حاجة عشان مصر ربنا يحفظ جيشنا وشرطتنا كل يوم ورا التانى شهيد بيقدم الروح والدم هدية لمصر ،اللى هتفضل تحيا مصر غصب عن اى حد".

قد تم نقل الخبر بالكامل، والمصدر هو المسؤول عن صحة الخبر، وفي حال امتلاكك لحقوق الخبر وتود حذفه أو تعديله يرجى مراسلتنا . مصدر الخبر الاصلي: صدى البلد

إخترنا لك

أخبار ذات صلة

0 تعليق